Беларуска атрымала паведамленне ад махляроў, у якім гаварылася, што ёй прыйшла пасылка. Але ашуканцы дапусцілі памылку ў назве нашай краіны, што выклікала шмат жартаў.
Ашуканцы зрабілі рассылку з аўстрыйскага нумара.
«Белпочта: Ваша посылка прибыла в Белоруссию, пожалуйста, оплатите таможенные сборы», — гаворыцца ў паведамленні, дзе стаіць спасылка на сайт, які, імаверна, выкарыстоўваецца для выманьвання рэквізітаў банкаўскіх карт.
У каментарах карыстальнікі патролілі ашуканцаў:
- «Хай у Беларусь даставяць, а там ужо і пагаварыць можна», — rngvchs.
- «Калі дойдзе да Беларусі — будзе аплата», — ulliqq.
- «Блін, я ж паставіла блок у Трэдс на няісную краіну Беларусію, а яна ўсё роўна тут, бесіць», — ksyuhus.
- «Чайкай крычу. Шцірліц яшчэ ніколі не быў такі блізкі да правалу», — kytty_pv.
- «О, мне прыйшло сёння. Відаць, чарга будзе на пошце», — li.kaate.